Suliniaqatigiiffik: Utoqqartatta atugaat peqatigiilluta pitsanngorsartigit
Suliniaqatigiiffik Soraarneq/Pensionist utoqqaat soraarnerussutisiaat soraarnermullu akikillisaatit pitsanngorsarniarumallugit atsioqattaartitsipput.
Utoqqaat kaallutik innartartut, nerisassarsiorlutik eqqaavissiortartut, qitornaminnut oorimik qinusartut, utoqqanngoreeraluarlutik sulisariaqartut, nalliuttunilu ilaquttatik orninnissaanut akissaqanngitsut. Taakkuupput suliniaqatigiiffimmi Soraarneq/Pensionistimi tusartakkat ilaat.
Taamak allaaserinnippoq aviisi Sermitsiaq.
– Tusartakkagut uissuumissutigisarpagut. Utoqqanngornissami tungaanut ukiorpassuit sulinikuupput, atugassarititaasullu taamaattut ullutsinnut tulluanngiivikkaluarput, Kirsten Holm oqarpoq.
Apaa Chemnitz aamma Kirsten Holm suliniaqatigiiffimmi Soraarneq/Pensionistimi aallartitseqataapput. Suliniaqatigiiffik soraanerussutisialinnik tallimanik ingerlanneqartoq siorna aallartippoq, suliniaqatigiiffiullu soraarnerussutisiat qaffanneqarnissaat anguniagaasa ilagaat. Sulianiaqatigiiffiup siorna aallartinneraniit innuttaasut saaffiginnittarsimapput, soraarnerussutisiallit inimut akissat qaffakkiartornerisa kingunerisaanik nerisassanut kalaaliminernullu akissaarukkiartuinnarput. Suliniaqatigiiffimmi peqataasut tamarmik soraarnerussutisiaqarput, ataaserli sulileqqittariaqarsimavoq soraarnerussutisiani naammaginagit.
Allaaserisaq tamaat aviisimi Sermitsiami atuaruk:
