Kommuneqarfik Sermersuumi ingerlatsiviup kommunimut pilersaarummut siunnersuutaani erseqqissarneqarpoq Nuummi mittarfissap avatangiisaa qanoq atorneqarsinnaanersoq.

Siunnersuumi, Inuussutissarsionermut Aningaasaqarnermut Ataatsimiititaliamut 12. december saqqummiunneqartumi nassuiarneqarpoq mittarfittaassap illuutissaanit aamma biilit unittarfiisa tungaanit illuanut mittarfiup aqquserngata tungaanut pisuinnarnut ikaartarfiliortoqassasoq, mittarfiullu eqqaani akunnittarfimmik sanaartortoqarnissaa aamma pilersaarutigineqartoq.

Aqqusinermi angallannermi isumannaatsuuneq

- Ikaartarfeqarnermi aqqusinermi angallannerup annertunerpaaffiani biilit ingerlaarnerannut kigaallatsitsissanngilaq, pisuinnaat aqqutissaqalissammata aammalu mittarfeqarfiup eqqaa, biilit unittarfiat akunnittarfittaassallu eqqaa angallattunut isumannaannerulissalluni, siunnersuummi allassimavoq.

- Ikaartarfik aqqusinermi angallattunut akornutaassanngilaq, taamaammat biilit quleriiaannik ilaasartaatillit assartuutillu angisuut ataaqqussinnaasunngorlugit portussusilerneqassalluni. Ikaartarfik mittarfeqarfiup isumannaallisaanermut nunaminertaanut aamma ilaatinneqassaaq, erseqqissarneqarpoq.

En gangbro kan udformes på mange måder. Af kommuneplanforslaget har man ladet sig inspirere af andre gangbro-løsninger

Kommuneqarfik Sermersooq

- Tamatumani periarfissanut ilaavoq mittarfissuup Nuullu ilisarnaataanik suliaqarnissaq, timmisartoqarfiup illuutaanit anillannermi ikaartarfik siulliullugu takuneqartussaammat, ingerlatsivik allappoq.

Eqqagaqarfik, ujaqqerivik imeqarfillu

Kommunimut pilersaarummut siunnersuummi eqqagaqarfik sumiilissanersoq aamma siunnersuutigineqarpoq. Ujaqqerivik nutaaq, imeqarfik ajornartoornermilu nukissiorfissaq nutaaq aamma sumiissanersut siunnersuutigineqarput.

Ataatsimiititaliap ataatsimiinnermini siunnersuut sapaatit akunnerini arfineq-pingasuni tusarniutigineqarnissaa aalajangerpaa.

Siunnersuut tamakkiisoq takujuk: Una iserfigiuk

Nutaarsiassat

Suliffeqarfinnut qaaqqusissut: Inuussutissarsiorfiit Ilinniarfissallu pillugit nittarsaassineq Siunissaqaasa 2024

Kommuneqarfik Sermersooq Nuummi illoqarfimmi atuarfiit, Nuummi Sulisitsisut aamma CSR Greenland suleqatigiillutik, ukioq manna inuussutissarsiorfiit ilinniarfissallu pillugit,...

Najukkami Tapiissuteqartarfik nutaaq taperneqaqqullutit qinnuteqarfigisinnaavat

Kommunalbestyrelsip Najukkami Tapiissuteqartarfik nutaaq pilersippaa, taanna nutaaliortut, piujuartitsineq, nammineq kajumissutsimik ingerlatsineq, sunngiffimmi sammisaqartitsineq aamma...