Kommunip pilersaarusiorneranut tapiliussaq pillugu tikittarfissap nutaap illuatungaani, majuartaammit Eqalugalissuit Tasiata tungaanut ingerlaarfiani inuussutissarsiorfissamik nutaamik ilusilersuinermut atatillugu, tusarniaanermut Sisorarfiit ingerlatsisuat Bruno Heilmann akissuteqarpoq.

- Sisorarfiit- Majuartaat ukiukkut orninneqarnerpaajusarpoq, majuartaammik atuisut 13.000-iusarlutik. Majuartaatip biilinut inissiisarfia inuit biiliinik ulikkaartarpoq. Biilit tamarmik majuartaatip biilinut inissiisarfiani inissaqarneq ajorput taamaattumillu atsinnerusumi Air Greenlandip inissiisarfiani inissiiffissarsisarlutik. Biilit aqqusernup sinaani Air Greenlandillu inissiisarfiani inissisimasut aputaajaanermut akornutaasarput sumiiffimilu aputaajaassuarnik aputaajaaneq ulorianarsisarluni. Isumannaannerpaanngilaq, inunnik biilinillu annertuumik ajutoorfiusinnaavortaaq. Majuartaatip biilinut inissiisarfianut aqqut pioreersoq matuneqartariaqarpoq taarsiullugulu aqqusineq pingaarnermiit KAIR/Munckip allaffeqarfigigallagaa saneqqullugu majuartaatip biilinut inissiisarfianut aqqusinniortoqartariaqarluni, Bruno Heilmann taama siunnersuuteqarpoq.

Sanaartorfiit akornanni titarnerit kittorartaartut taartut aqqusinermut nutaamut majuartaatip biilinut inissiisarfianut atassuserneqarput. Immikkoortoq A timmisartoqarfimmut akunnittarfimmut atorneqartussaavoq, immikkoortorlu B timmisartoqarfimmut biilinik unittarfimmut atorneqartussaalluni

Kommuneqarfik Sermersooq

Ingerlatsiviup Bruno Heilmannip isumaa isumaqatigaa.

- Ingerlatsiviulli tikkuarpaa nunaminertat inuussutissarsiortunut uani atugassanngortitsinikkut tamaani biilinut inissiisarfiit annertuumik allilerneqassammat. Ingerlatsiviup naliliinera tassaavoq, Sisorarfinnik atuisartut nalinginnaasumik suliffiup avataani takkuttarmata biilinut inissiisarfiit tamaani inuussutissarsiortunit atorneqartussat angallannerup annertusinera nammassinnaalluassagaat, taamaammat Sisorarfiit eqqaanni biilinut inissiisarfiit pioreersut allilernissaat pisariaqarpallaarunanngitsoq, oqaaseqaammi allassimavoq, nangillunilu:

Pitsaanermik tikissinnaalissagaat

- Imarpik qulaallugu mittarfissaq ammarneqarpat immikkoortup tamarmi tikinneqarsinnaanera tamanit atorneqarsinnaasunik angallassissutit pitsaanermik tikissinnaalissagaat naatsorsuutigineqarpoq, tamannalu angallannerup ilaanut iluaqutaassasoq naatsorsuutigineqarluni.

Aqquserngup ingerlavissaa majuartaammik ingerlatsisup siunnersuutigisaa ingerlatsivimmit akuerineqarpoq, maannalu inaarutaasumik missingersuummi majuartaatip biilit unittarfianit sanaartorfippassuarnit mittarfimmi akunnittarfissap tungaanut aqqusineq sananeqarpoq, taanna mittarfiup nutaap tikittarfianut qaninnerpaavoq.

Nutaarsiassat

Suliffeqarfinnut qaaqqusissut: Inuussutissarsiorfiit Ilinniarfissallu pillugit nittarsaassineq Siunissaqaasa 2024

Kommuneqarfik Sermersooq Nuummi illoqarfimmi atuarfiit, Nuummi Sulisitsisut aamma CSR Greenland suleqatigiillutik, ukioq manna inuussutissarsiorfiit ilinniarfissallu pillugit,...

Najukkami Tapiissuteqartarfik nutaaq taperneqaqqullutit qinnuteqarfigisinnaavat

Kommunalbestyrelsip Najukkami Tapiissuteqartarfik nutaaq pilersippaa, taanna nutaaliortut, piujuartitsineq, nammineq kajumissutsimik ingerlatsineq, sunngiffimmi sammisaqartitsineq aamma...