Mittarfeqarfiit: Mittarfiit nutaat ammarpata Kangerlussuaq ingerlaannassaaq
Kangerlussuarmi mittarfik ukiortaamiit isumannaallisaanermut immikkoortoq 1-imut taarsiullugu 2-miit ingerlanneqassaaq. Tamanna isumannaallisaanermut tunngasunik allannguuteqartitsivoq, nunarsuarmili mittarfinnut tamanut suli timmisartuussisoqarsinnaassaaq, Mittarfeqarfiit A/S-imi pisortaq oqarpoq.
Mittarfeqarfiit A/S-ip Nuummi mittarfissaq nutaaq 2024-p naanerani Ilulissaniluunniit mittarfik 2025-mi ammarpat Kangerlussuarmi mittarfimmi sulisut soraarsinniarlugit pilersaaruteqanngilaq.
Taamak allaaserinnippoq aviisi Sermitsiaq.
– Mittarfiit nutaat ammarneqarnerannut atatillugu soraarsitsisoqassanngilaq. Kangerlussuaq Nuummi mittarfiup ammarneqarnerata kingorna mittarfiussaaq maannamut assigiimmik periarfissalik. Taamaattumik Kangerlussuarmi sulisuvut mittarfimmik sullissinissamut suli pisariaqartitsissapput, Mittarfeqarfiit A/S-imi pisortaq Henrik Estrup aviisimut Sermitsiamut oqarpoq.
2025-mili januaarip aallaqqaataaniit mittarfiup ingerlanneqarnerani isumannaallisaanermut aamma timmisartunik aqutsinermi januaarip aallaqqaataani 2025-mit allannguuteqassaaq.
Allaaserisaq tamaat aviisimi Sermitsiami atuaruk: