Nuummi nunat tamalaat akornanni mittarfimmik sanaartorneq siuariartorpoq, sapaatip-akunneranilu matumani Kalaallit Airports siuariarnermik mikisumik saqqummiussivoq.

Mikkiartornermi qulliit 420 meterinik takissusillit ikinneqarput, ingerlatseqatigiiffillu videomik Facebookimut ikkussisimavoq, tassanilu qulliit silaannarmit takuneqarsinnaallutik.

Kalaallit Airports naapertorlugu qulliit katillugit 72-iupput, taakkunanngalu 14-it silarlermiit mikkiartornermi aqqutip tungaanut ikittaartartut..

Ikaartarfik 300 meterinik takissusilik

- Ikaartarfik napparussuit qaavanniittoq 300 meterit missaannik takissuseqarpoq 43 meterillu missaannik portussusilimmiilluni. Qullit sakkortussusaat allanngorartinneqarsinnaavoq, Kalaallit Airports allappoq nangillunilu:

- Mikkiartornermi qulliit milernermi timmisartortartup isigisaannut iluaqutaasussatut atorneqartussaapput, aammalu ILS (Instrument Landing System) peqatigalugu CAT 1 ullumikkumut naleqqiullugu mittarfittaassami piffissamik eqquisarneq annertunerulersittussaallugu.

Mittarfiup avannamut isuanik mikkiartornermi aamma qullilersuisoqassaaq.

Taxiveji aqutsisoqarfimmit akuersissutigineqartoq

Kalaallit Airports oktobarimi aamma allappoq, Trafikstyrelseni taxivejimik misissuillunilu akuersissutiginnissimasoq.

Aqqusineq qanittukkut naammassineqarpoq, timmisartunillu minnerup kingorna mittarfiup illutaanukarnermi tingilernermilu mittarfimmukarnermi atorneqartartussaalluni.

Mittarfiup nutaap 2024-p naalernerani piareerluinnarnissaa naatsorsuutigineqarpoq.

Matuma ataani Kalaallit Airportsip mikkiartornermi qullernik videolia isiginnaarneqarsinnaavoq

Nutaarsiassat

Suliffeqarfinnut qaaqqusissut: Inuussutissarsiorfiit Ilinniarfissallu pillugit nittarsaassineq Siunissaqaasa 2024

Kommuneqarfik Sermersooq Nuummi illoqarfimmi atuarfiit, Nuummi Sulisitsisut aamma CSR Greenland suleqatigiillutik, ukioq manna inuussutissarsiorfiit ilinniarfissallu pillugit,...

Najukkami Tapiissuteqartarfik nutaaq taperneqaqqullutit qinnuteqarfigisinnaavat

Kommunalbestyrelsip Najukkami Tapiissuteqartarfik nutaaq pilersippaa, taanna nutaaliortut, piujuartitsineq, nammineq kajumissutsimik ingerlatsineq, sunngiffimmi sammisaqartitsineq aamma...