Kangerlussuup siunissaa pillugu aalajangiinissaq kinguartinneqarpoq
Sakkutuunik innuttaasunillu timmisartuussisarnerup misissorneqarnera aatsaat ukiup naanerani naammassissangatinneqarpoq, tassanngaanniillu aatsaat ingerlariaqqinnissamut aalajangertoqassaaq.
![Selvstyret og bestyrelsen for Villads Villadsenip Efterskolia forhandler i disse dage om en fortsættelse af den midlertidige efterskole i Kangerlussuaq i endnu et år. Foto: Leiff Josefsen.](/sites/default/files/styles/930x500/public/media/kangerlussuaq_28440a.jpg?itok=RD0tlcju&c=df8d1f5edda36929e71bffab7f418c19)
Kangerlussuarmi mittarfiup siunissaa pillugu erseqqissumik paasisaqarnissarput ukiorpassuarni ujartorneqarsimavoq, mittarfik nunaqarfiup suliffissaqarnissaanut pingaaruteqarluinnarmat.
Naalakkersuisup Hans Peter Poulsenip akissutaani nutaami erserpoq suliffeqarfiit, innuttaasut kommunilu suli sivisuumik utaqqisinnaassuseqartariaqartut.
Naalakkersuisoq akissummini allappoq mittarfik sakkutuunut innuttaasunullu timmisartuussinermut atorneqarsinnaanera pillugu misissuineq „kingusinnerpaamik 2024-p naanerani“ naammassineqarumaartoq.
Danskit naalakkersuisui isumaqatigiissuteqarfigisimagaluarpaat misissuineq marsimi saqqummiunneqassasoq, tassa qaammat ataaseq qaangiuppat, taamaalilluni mittarfiup ingerlateqqinnissaa pillugu isumaqatigiissuteqartoqarsinnaalluni.
Timmisartut sorliit missinnaappat?
Aatsaalli misissuinerit naammassineqareerpata aalajangiinissamut tunngavissaqarluassaaq:
- lneqarnermut Attaveqaasersuutinullu Naalakkersuisoqarfik Danmarkimi oqartussanik attuumassuteqartunik suli oqaloqatiginnippoq. Misissueqqissaarneq naammassineqariarpat, suliap ingerlateqqinneqarnissaanut aalajangiinissami tunngavissaqassaaq.
Inatsisartunut ilaasortaq Siverth K. Heilmann suliamut atatillugu apeqquteqartuuvoq, ilaatigut paaserusullugu timmisartut takornariartaatit, timmisartut imarpik qulaallugu timmisartut ilanngullugit, 2025-mi siunissamilu Kangerlussuarmit aallarsinnaassanersut missinnaassanersullu.
Taamaattorli naalakkersuisup misissueqqissaarneq naammanngitsoq innersuussutigaa.