Namminersorlutik Oqartussat inissiaatileqatigiiffiata Illuut A/S-ip, Nuup mittarfiata eqqaani qullersaqarfimmik nutaamik sanaartornissaq tamatumalu kingorna attartornissaa pillugu, KAIR A/S isumaqatigiinniarfigaa.

- Naatsorsuutigineqarpoq suliniut 2024-mi aallartissinnaassasoq, pisortaq Torben Pauls, Sermitsiaq.AG-mut oqarpoq.

KAIR A/S-imi qullersaqarfik nutaaq pillugu itinerusumik oqaaseqarumanngillat.

- KAIR/MIT mittarfiup eqqaani nunaminertamik tunineqarpoq, Illuutillu oqaloqatigineqarnerat aallartippoq. Aningaasartuutissat tamarmiusut suli inissinneqanngillat, maannakkulli isumaqatigiinniutigineqarput, attaveqaqatigiinnermut pisortaq, Mikkel Bjarnø Lund, Sermitsiaq.AG-mut mailikkut naatsumik akivoq.

Suliaq killiffia

Tusagassiortut saaffiginninneri tamarmik attaveqaqatigiinnermut pisortamut saaffiginnissutigineqartarnissaat tunngavigalugu, KAIR-ip pisortaanera Jens R. Lauridsen toqqaannartumik attaveqarfiginiarnera iluatsissimanngilaq.

KAIR-ip Illuutillu isumaqatigiinniarnerat suli ingerlagaluartoq, qullersaqarfik qanoq angitigissanersoq sulisullu qassiussanersut oqaatigineqarsinnaanngitsoq, attaveqaqatigiinnermut pisortaq oqarpoq.

- Suli taama angusaqartiginngilagut. Maannakkorpiaq pisariaqartitsineq, titartakkat, aningaasaqarneq il.il. misissorpavut, Mikkel Bjarnø Lund allappoq.

Nutaarsiassat

Suliffeqarfinnut qaaqqusissut: Inuussutissarsiorfiit Ilinniarfissallu pillugit nittarsaassineq Siunissaqaasa 2024

Kommuneqarfik Sermersooq Nuummi illoqarfimmi atuarfiit, Nuummi Sulisitsisut aamma CSR Greenland suleqatigiillutik, ukioq manna inuussutissarsiorfiit ilinniarfissallu pillugit,...

Najukkami Tapiissuteqartarfik nutaaq taperneqaqqullutit qinnuteqarfigisinnaavat

Kommunalbestyrelsip Najukkami Tapiissuteqartarfik nutaaq pilersippaa, taanna nutaaliortut, piujuartitsineq, nammineq kajumissutsimik ingerlatsineq, sunngiffimmi sammisaqartitsineq aamma...