Skip to main content

Vittus Qujaukitsoq: Sukannersumik aningaasaqarneq aqunneqassaaq –annernartoqassagaluarpalluunniit

Nunarput aningaasaqarnikkut nukittuumik inissisimagaluarpalluunniit aammalu patajaakkaluarpalluunniit suli sanngiitsumik inissisimasoqarpoq, isertitsissutaasartoq pingaarneq suli ataasiinnaammat, tassalu aalisarneq. Tamanna tunngavigalugu Naalakkersuisut sukannersumik aningaasaqarnikkut ingerlatsinermik nangitsiniarput

– Aningaasanik piginngisatsinnik atuisinnaanngilavut, aamma immitsinnut pisinnaatissinnaanngilavut kinguaatsinnut akiligassanik kingornussisitsinissatsinnut! Taamak ersaritsigisumik oqarpoq nunatta aningaasaqarnerani paarsisut sallersaat, Aningaasaqarnermut Nunanilu Avannarlerni suleqatigiinnermut naalakkersuisoq, Vittus Qujaukitsoq (NQ).

Peqqissaartumik utaqqisinnaassuseqartumillu nunatta aningaasaqarnerata aqunneqarnissaa pillugu oqaaqqissaarivoq, pingaartumik Inatsisartunut, taakkumi aningaasartuutitalinnik aningaasartuusaasussallu qanoq matussuserneqarnissaannik innersuussutitaqanngitsunik siunnersuuteqaqqajaasartut ilisimaneqarpoq, taamaattorli aamma inuusuttunut oqaaqqissaarivoq ilinniarnissamut periarfissat iluamik atoqqullugit, tassami ilinniarnermut tunngatillugu aaqqissuussaaneq nanertuutilersorneqartuarsinnarpoq ilinnialerlutik aallartitsigaluaannarlutik maanaannaq unitsitsisartut suli amerlaqimmata.

– Pissusissamisuunngilaq piisaarneq ingerlatiinnassallugu, akileraartartummi inuiaqatigiinnut aningaasalersuutigisaat illersorneqarsinnaasumik atortariaqarpavut, tassa akisussaassusilimmik nunatta aningaasaqarnikkut ingerlanneqarnera tamatta peqataaffigisariaqarparput ataatsimoorlutalu isumagisariaqarparput pisariaqartitsisunut aningaasassaqarluarnissaq, taamatuttaaq inuiaqatigiinni atugarissaarnissap qulakkeersimaneqarnissaanut kiisalu ullunut ajornernut minnerunngitsumillu kinguaatsinnut siunissami nunatsinnik ingerlatsisussanut aningaasatigut tunngavissiilluartariaqarpugut, Vittus Qujaukitsoq (NQ) oqarpoq.

Taassuma saqqummiuteqqammerpaa aningaasanut inatsissatut siunnersuut 2020-moortoq qulequtaqartorlu ”ineriartorneq isumaminik takkunneq ajorpoq”.

Allaaserisaq tamaat aviisimi Sermitsiami atuaruk – uani ataani aviisimut isissutissarsigit:

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

MEST LÆSTE

SENESTE NYHEDER