Skip to main content

Air Greenlandip sulisuminik attassiuarnissani iluatsitsilluarfigaa

Timmisartuutileqatigiiffiup Nuummi mittarfissap ammarnissaata tungaanut Kangerlussuup ingerlaannarsinnaanissaanut qulakkeerut isumaqatigiissut, Kangerlussuarmi Air Greenlandimi sulisut 55-60-t akornanniittut tigulluarpaat.

- Kangerlussuarmi sulisuvut pisariaqartinneqartut aaqqissuussinikkut toqqissisimatippavut, nunanillu tamalaanit timmisartuussinerit ullup kingulliup tungaanut ingerlaannarnissaat neriuutigaarput, Air Greenlandimi (AG) pisortaaneq Jacob Nitter Sørensen, Sermitsiaq.AG-mut oqarpoq.

Nuummi mittarfik atlantikoq qulaallugu timmisartuussisarfeqalerpat, timmisartuutileqatigiiffiup timmisartuussisarnernik allanngortitsinissaa novembarip 28-ani atuutilertussaq, soraarsitsinermik kinguneqassanngitsoq aamma ilisimatitsivoq.

- Maanna sulisuvut tamaasa atorfissaqartissavagut. Novembarip 28-ata kingorna Kangerlussuarmi sulisut qassit atorfissaqartissanerlugit suli naluarput. Sulisut aalajangersimasut illoqarfinni mittarfiliorfiusuni allani timmisartuussiffigisartakkatsinni sulilernissaannik neqeroorfiginissaat pilersaarutaavoq, Jacob Nitter Sørensen oqarpoq.

Oqaloqatigiilluarneq

Sulisunut attuumassuteqartunut allannguutit annertuut pitsaasumik aaqqinneqarsinnaanerat pisortap upperalugulu isumalluarnartippaa. Sulisut ilaasa nuukkusukkunnaarsinnaanerannik tamanna malitseqarsinnaanera nassuerutigaa, taamaakkaluartorli Air Greenlandip inissiaataanni najugaqaannarsinnaapput.

- Oqaloqatigiinneq pitsaasuuvoq, qularutiginngilaralu ingerlaannassasoq, pisortap nangilluni oqaatigaa.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

MEST LÆSTE

SENESTE NYHEDER